Mapatik nabigatu [GNSS Igeldo] [GNSS Lazkao] [GNSS Elgeta] [GNSS Pasaia]
Gipuzkoak 1997an ezarri zuen bere lehen GPS estazio iraunkorra eta Gipuzkoako Foru Aldundiaren jauregiko teilatuan jarri zen. Estazioak GFA zuen izena. Hirian egonik, sateliteekiko ikuspena galtzen joan zen estazio hori; eta, horren ordez, 2005ean hiru estazio berri ezarri ziren: ELGE, IGEL eta LAZK; Elgetako eta Lazkaoko udalen laguntzaz, eta Igeldoko Meteorologia Behatokiaren lankidetzaz egin ere. 2007an ekipamendua berritu egin zen, GPS seinaleak jasotzeaz gain, Glonass-ekoak ere jasotzeko. Aldi berean, beste estazio bat gehitu zen, PASA deiturikoa, Azti-Tecnalia zentro teknologikoak Pasaian dituen instalazioetan.
Estazio horiek guztiak publikoak dira, eta pribatuekin batera gure inguruko estazio sarea osatzen da. Sare horren bidez, dentsitate handiagoa duen azpiegitura batera heltzen da erabiltzailea. Eta konektazeko bide asko ditu, Gipuzkoako GNSS sareak bereak dituen datuak ematen baitizkie GNSS sare berriei, hala nola, Bizkaiakoari, Euskadikoari eta Frantziako Teria-ri.
Sareko estazioak Gipuzkoako edozein lekutatik gehienez ere 20 km-ra daudenez, zentimetroko doikuntza egin daiteke denbora errealean lan geodesiko eta topografikoak egiterakoan.
Eguneroko ITRF sare-emaitzak prozesatzen ditu sareak; eta, jasotako behaketak eta denbora errealean sortutako zuzenketak monitorizatzen dira. Hori egiten da bai oinarri bakuneko emaitzekin (ionosferako eta troposferako hondarrak, eta bai sare-emaitzekin (ionosferako y troposferako hondarrak).
GNSS estazio bakoitzak Rinex formatuko datuak gordetzen ditu, eta RTCM2.3 nahiz RTCM 3.0 zuzenketak emititzen ditu, NTRIP protokoloa erabiliz. GNSS estazioei buruzko argibideak ikusteko, denbora errealean sortutako zuzenketak atzitzeko eta datuak eskuratzeko, egin klik gainean.
